ਗੁਰਾਇਆਂ - ਬਾਮਸੇਫ ਨਾਲ ਮੁੱਢਲੇ ਸਮੇਂ ਤੋਂ ਜੁੜੇ ਆਖਰੀ ਸਮੇਂ ਤਕ ਸਾਹਿਬ ਸ਼੍ਰੀ ਕਾਸ਼ੀ ਰਾਮ ਜੀ ਦੇ ਅੰਦੋਲਨ ਦੀ ਮਜਬੂਤੀ ਲਈ ਤੇ ਆਮ ਲੋਕਾਂ ਦੇ ਅਧਿਕਾਰਾਂ ਲਈ ਲੜਨ ਵਾਲੇ ਜੁਝਾਰੂ ਮੁਲਾਜਮ ਆਗੂ ਰਿਟਾਇਰਡ ਐਸ ਡੀ ਓ ਗੁਰਚੇਤਨ ਦਾਸ ਕੈਲੇ ਸੰਖੇਪ ਬਿਮਾਰੀ ਨਾਲ ਜੂਝਦੇ ਹੋਏ ਬੀਤੇ ਦਿਨੀਂ ਪਰਿਵਾਰ ਨੂੰ ਸਦੀਵੀ ਵਿਛੋੜਾ ਦੇ ਗਏ ਸਨ। ਉਨ੍ਹਾਂ ਦੇ ਨਿਵਾਸ ਗੁਰਾਇਆਂ ਵਿਖੇ ਹੋਈ ਅੰਤਿਮ ਅਰਦਾਸ ਵਿੱਚ ਉਨ੍ਹਾਂ ਦੀ ਜੀਵਨ ਸਾਥੀ ਕਮਲਾ ਦੇਵੀ, ਸਪੁੱਤਰ ਰਜਨੀਸ਼ ਕੈਲੇ ਯੂ ਕੇ, ਗੌਤਮ ਕੈਲੇ, ਭਰਾ ਜੈ ਗੋਪਾਲ, ਗੁਰਦਿਆਲ ਦਾਸ, ਗੁਰਬਚਨ ਦਾਸ, ਭਤੀਜੇ ਰਮਨਦੀਪ ਕੈਲੇ ਐਸ ਐਚ ਓ ਤੇ ਸਮੂਚੇ ਕੈਲੇ ਪਰਿਵਾਰ ਨਾਲ ਦੁੱਖ ਸਾਂਝਾ ਕਰਨ ਲਈ   ਸਮਾਜਿਕ ਧਾਰਮਿਕ ਬਿਜਲੀ ਬੋਰਡ ਦੇ ਅਫਸਰ ਤੇ ਰਾਜਨੀਤਕ ਪਾਰਟੀਆਂ ਦੇ ਨੁਮਾਇੰਦੇ ਸ਼ਾਮਿਲ ਹੋਏ। ਗੁਰਚੇਤਨ ਦਾਸ ਕੈਲੇ ਨੂੰ ਉਨ੍ਹਾਂ ਦੇ ਪੁਰਾਣੇ ਸਾਥੀਆਂ ਚੋਂ ਸ਼ਰਧਾਂਜਲੀ ਦੇਣ ਬਸਪਾ ਪੰਜਾਬ ਦੇ ਜਨਰਲ ਸਕੱਤਰ ਪ੍ਰਵੀਨ ਬੰਗਾ, ਬਸਪਾ ਪੰਜਾਬ ਦੇ ਜਨਰਲ ਸਕੱਤਰ ਐਡਵੋਕੇਟ  ਬਲਵਿੰਦਰ ਕੁਮਾਰ, ਜਨਰਲ ਸਕੱਤਰ ਲਾਲ ਚੰਦ ਔਜਲਾ, ਪੱਛੜੇ ਵਰਗਾਂ ਚੋਂ ਸੂਬਾਈ ਜਰਨਲ ਸਕੱਤਰ ਤੀਰਥ ਸਿੰਘ ਰਾਜਪੁਰਾ, ਜਗਦੀਸ਼ ਸ਼ੇਰਪੁਰੀ ਜਿਲ੍ਹਾ ਪ੍ਰਧਾਨ ਜਲੰਧਰ ਦਿਹਾਤੀ, ਬਸਪਾ ਪੰਜਾਬ ਦੇ ਸਕੱਤਰ  ਇੰਜ ਜਸਵੰਤ ਰਾਏ ਸੂਬਾਈ ਦਫਤਰ ਇੰਚਾਰਜ ਬਹੁਜਨ ਸਮਾਜ ਪਾਰਟੀ ਵਲੋ ਦੁੱਖ ਸਾਂਝਾ ਕਰਦੇ ਹੋਏ ਐਸ ਡੀ ਓ ਗੁਰਚੇਤਨ ਦਾਸ ਕੈਲੇ ਜੀ ਵਾਰੇ ਬੋਲਦਿਆਂ ਕਿਹਾ ਕਿ ਸਰਕਾਰੀ ਨੌਕਰੀ ਵਿੱਚ ਹੁੰਦੇ ਹੋਏ ਅੰਦੋਲਨ ਵਿੱਚ   ਉਨ੍ਹਾਂ ਵਲੋ ਪਾਏ ਯੋਗਦਾਨ ਨਾਲ ਜੁੜੀਆਂ ਪੁਰਾਣੀਆਂ ਯਾਦਾਂ ਸਾਂਝੀਆਂ ਕੀਤੀਆਂ। ਇਸ ਮੌਕੇ ਬਸਪਾ ਪੰਜਾਬ ਵਲੋਂ ਸ਼ਰਧਾਂਜਲੀ ਭੇਂਟ ਕੀਤੀ ਗਈ। ਪਾਰਟੀ ਵਲੋਂ ਭਰੋਸਾ ਦਿੱਤਾ ਕਿ ਸਦਾ ਪਰਿਵਾਰ ਦੇ ਦੁੱਖ ਸੁੱਖ ਵਿੱਚ ਨਾਲ ਰਹੇਗੀ। ਪੰਜਾਬ ਰਾਜ ਬਿਜਲੀ ਬੋਰਡ ਡਿਪਲੋਮਾ ਇੰਜ ਐਸੋਸੀਏਸ਼ਨ ਪੰਜਾਬ ਦੇ ਸਾਬਕਾ ਪ੍ਰਧਾਨ ਰਾਜ ਕੁਮਾਰ ਚੌਧਰੀ ਨੇ ਆਖਿਆ ਕਿ ਐਸ ਡੀ ਓ ਗੁਰਚੇਤਨ ਦਾਸ ਲੋਕਾਂ ਦੇ ਨਾਲ-ਨਾਲ ਬਿਜਲੀ ਬੋਰਡ ਵਿਚ ਮੁਲਾਜਮਾਂ ਦੀਆਂ ਮੰਗਾਂ ਤੇ ਉਨਾਂ ਦੇ ਅਧਿਕਾਰਾਂ ਲਈ ਹਿੱਕ ਡਾਹ ਕੇ ਲੜਾਈ ਲੜਨ ਵਾਲੇ ਮਹਾਨ ਜੋਧੇ ਸਨ। ਉਹਨਾਂ ਕਿਹਾ ਕਿ ਉਹ ਸਮੂਹ ਬਿਜਲੀ ਬੋਰਡ ਦੇ ਅਫਸਰਾਂ ਤੇ ਮੁਲਾਜ਼ਮਾਂ ਵਲੋ ਸ਼ਰਧਾਂਜਲੀ ਭੇਂਟ ਕਰਦੇ ਹਨ ਤੇ ਮੁਲਾਜਮ ਸਦਾ ਉਨ੍ਹਾਂ ਦਾ ਸਤਿਕਾਰ ਕਰਦੇ ਰਹਿਣਗੇ। ਪਰਿਵਾਰ ਨੂੰ ਆਪਣਾ ਸਹਿਯੋਗ ਦਿੰਦੇ ਰਹਿਣਗੇ। ਇਸ ਮੌਕੇ ਸੁਖਦੇਵ ਸਿੰਘ ਲਾਖਾ, ਨਜਦੀਕੀ ਰਿਸ਼ਤੇਦਾਰ ਮਲਕੀਤ ਰਾਮ ਰਿਟਾਇਰ ਡਾਇਰੈਕਟਰ, ਬਸਪਾ  ਆਗੂ ਰਾਮ ਸਰੂਪ ਸਰੋਆ, ਰਕੇਸ਼ ਕੁਮਾਰ ਅਗਰਵਾਲ, ਇੰਜ ਪਾਲ ਐਕਸੀਅਨ ਬਿਜਲੀ ਬੋਰਡ ਫਗਵਾੜਾ, ਇੰਜ ਸੱਤਪਾਲ ਭੌਂਸਲੇ   ਰਿਟਾਇਰ ਐਸ ਡੀ ਓ,ਹਰਮੇਸ਼ ਲਾਲ ਕੈਲੇ ਐਸ ਡੀ ਓ, ਅਵਤਾਰ ਸਿੰਘ ਐਸ ਡੀ ਓ,ਬਸਪਾ ਆਗੂ ਹਰਨੇਕ ਗੜ੍ਹੀ, ਪ੍ਰਧਾਨ ਹਲਕਾ ਫਿਲੌਰ ਬਸਪਾ ਆਗੂ ਖੁਸ਼ੀ ਰਾਮ, ਮੁਲਾਜਮ ਆਗੂ ਰਹੇ ਜਰਨੈਲ ਢੰਡਾ, ਡਾਕਟਰ  ਲਖਵੀਰ ਮੁਠੱਡਾ, ਸੋਢੀ ਰਾਮ ਮਿਲਨ ਪੈਲਿਸ, ਜਗਦੀਸ਼ ਆਰ ਸੀ ਪਲਾਜਾ, ਸਰਪੰਚ ਜਸਵਿੰਦਰ ਸਿੰਘ ਛਿੰਦੀ, ਅਸ਼ਵਨੀ ਕੁਮਾਰ, ਸੁਖਵਿੰਦਰ ਸਫਰੀ, ਡਾਕਟਰ ਰਜਿੰਦਰ ਥਿੰਦ, ਮਹਿਲਾ ਆਗੂ ਪੰਮੀ ਰੁੜਕਾ, ਬੋਧ ਪ੍ਰਕਾਸ਼ ਗੜ੍ਹਾ, ਬਲਦੇਵ ਰਾਜ ਗੜ੍ਹਾ, ਅਰਵਿੰਦ ਕੁਮਾਰ  ਥਾਣੇਦਾਰ, ਸੁਰਜੀਤ ਸਿੰਘ ਭਲਵਾਨ, ਮਹਿੰਦਰ ਪਾਲ ਰਿਟਾਇਰ  ਮੈਨੇਜਰ, ਸੁਰਿੰਦਰ ਸਿੰਘ ਲਾਖਾ, ਰੇਸ਼ਮ ਲਾਲ ਕਮਾਲਪੁਰ, ਹਰਭਜਨ ਸਿੰਘ, ਵਿਜੇ ਦੁਸਾਂਝ, ਪਿਆਰਾ ਲਾਲ ਏ ਈ ਤੇ ਹਰਭਜਨ ਸਿੰਘ ਤੋਂ ਇਲਾਵਾ ਬਹੁਤ ਵੱਡੀ ਗਿਣਤੀ ਵਿੱਚ ਇਲਾਕਾ ਨਿਵਾਸੀਆਂ ਨੇ ਪਰਿਵਾਰ ਦੇ ਦੁੱਖ ਵਿਚ ਸ਼ਾਮਿਲ ਹੁੰਦੇ ਹੋਏ ਦੁੱਖ ਸਾਂਝਾ ਕੀਤਾ।ਸਮੂਹ ਬੁਲਾਰਿਆਂ ਨੇ ਪਰਿਵਾਰ ਵਲੋਂ ਬਿਮਾਰੀ ਦੀ ਹਾਲਤ ਵਿੱਚ ਉਨ੍ਹਾਂ ਦੇ ਸਪੁੱਤਰਾਂ, ਨੂੰਹਾਂ, ਭਰਾਵਾਂ ਤੇ ਭਤੀਜਿਆਂ ਵਲੋਂ ਕਰਵਾਏ ਵਧੀਆ ਢੰਗ ਨਾਲ਼ ਇਲਾਜ ਤੇ ਦੇਖਭਾਲ ਲਈ ਉਨ੍ਹਾਂ ਦਾ ਧੰਨਵਾਦ ਕੀਤਾ। ਮੰਚ ਸੰਚਾਲਨ ਦੀ ਭੂਮਿਕਾ ਉਨ੍ਹਾਂ ਦੇ ਨਜਦੀਕੀ ਮੁਲਾਜਮ ਆਗੂ ਇੰਜੀਨੀਅਰ ਜਸਵੰਤ ਰਾਏ ਨੇ ਨਿਭਾਈ। ਉਨ੍ਹਾਂ ਦੇ ਵੱਡੇ ਸਪੁੱਤਰ ਰਜਨੀਸ਼ ਕੈਲੇ ਯੂ ਕੇ ਨੇ ਪਰਿਵਾਰ ਨਾਲ ਦੁੱਖ ਸਾਂਝਾ ਕਰਨ ਆਏ ਸਾਰੇ ਹਮਦਰਦਾਂ ਤੇ ਸ਼ੁੱਭਚਿੰਤਕਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਇਹ ਉਨ੍ਹਾਂ ਦੀ ਅਸਲੀ ਕਮਾਈ ਹੈ, ਜਿਹਨਾਂ ਹਜਾਰਾਂ ਦੀ ਗਿਣਤੀ ਵਿੱਚ ਸੰਸਕਾਰ ਤੇ ਸ਼ਰਧਾਂਜਲੀ ਸਮਾਗਮ ਵਿੱਚ ਸ਼ਮੂਲੀਅਤ ਕੀਤੀ। ਸਾਨੂੰ ਦੁਖਦਾਈ ਸਮੇਂ ਹੌਂਸਲਾ ਦਿਤਾ, ਸਮੁੱਚੇ ਕੈਲੇ ਪਰਿਵਾਰ ਵਲੋਂ ਸਭ ਦਾ ਦਿਲੋਂ ਧੰਨਵਾਦ ਕੀਤਾ ਗਿਆ।