ਚੰਡੀਗੜ੍ਹ: 22 ਅਗਸਤ, 2024:- ਪੰਜਾਬ ਇੰਜਨੀਅਰਿੰਗ ਕਾਲਜ (ਡੀਮਡ ਟੂ ਬੀ ਯੂਨੀਵਰਸਿਟੀ), ਚੰਡੀਗੜ੍ਹ ਨੇ ਅੱਜ 22 ਅਗਸਤ, 2024 ਨੂੰ ਐਮ.ਟੈਕ (2024-2026) ਦੇ ਨਵੇਂ ਬੈਚ ਦਾ ਜੋਸ਼ ਅਤੇ ਉਤਸ਼ਾਹ ਨਾਲ ਸਵਾਗਤ ਕੀਤਾ। ਇਸ ਉਦਘਾਟਨੀ ਸਮਾਰੋਹ ਵਿਚ ਪੀ.ਈ.ਸੀ. ਦੇ ਮਾਣਯੋਗ ਡਾਇਰੈਕਟਰ, ਪ੍ਰੋ. ਰਾਜੇਸ਼ ਕੁਮਾਰ ਭਾਟੀਆ (ਐਡ ਅੰਤਰਿਮ), ਰਜਿਸਟਰਾਰ ਕਰਨਲ ਆਰ.ਐਮ. ਜੋਸ਼ੀ, ਡਾ.ਡੀ.ਆਰ.ਪ੍ਰਜਾਪਤੀ (ਡੀਨ ਵਿਦਿਆਰਥੀ ਮਾਮਲੇ), ਪ੍ਰੋ.ਐਸ.ਕੇ. ਮੰਗਲ (ਡੀਨ ਅਕਾਦਮਿਕ ਮਾਮਲੇ) ਸਮੇਤ ਸਮੂਹ ਵਿਭਾਗਾਂ ਅਤੇ ਕੇਂਦਰਾਂ ਦੇ ਮੁਖੀ ਸ਼ਾਮਲ ਹੋਏ। ਸਮਾਗਮ ਦੀ ਸ਼ੁਰੂਆਤ ਮਾਨਯੋਗ ਡਾਇਰੈਕਟਰ ਪ੍ਰੋ: ਰਾਜੇਸ਼ ਕੁਮਾਰ ਭਾਟੀਆ ਦੇ ਸਵਾਗਤ ਉਪਰੰਤ ਸ਼ਮ੍ਹਾਂ ਰੌਸ਼ਨ ਕਰਕੇ ਕੀਤੀ ਗਈ।
ਸ਼ੁਰੂਆਤ ਵਿੱਚ ਡਾਇਰੈਕਟਰ ਪ੍ਰੋ: ਰਾਜੇਸ਼ ਭਾਟੀਆ ਨੇ ਪੀਈਸੀ ਦੇ ਵਹਿੜੇ ਚ ਐਮ.ਟੈਕ ਦੇ ਵਿਦਿਆਰਥੀਆਂ ਦੇ ਨਵੇਂ ਬੈਚ ਦਾ ਸਵਾਗਤ ਕੀਤਾ। ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ 100 ਤੋਂ ਵੱਧ ਸਾਲਾਂ ਦੀ ਵਿਰਾਸਤ ਵਾਲੇ ਇੰਸਟੀਚਿਊਟ ਵਿੱਚ ਚੁਣੇ ਜਾਣ 'ਤੇ ਵਧਾਈ ਦਿੱਤੀ। ਉਹਨਾਂ ਨੇ ਇੱਕ ਸਾਲ ਦੇ ਅਰਸੇ ਵਿੱਚ ਦੋ ਰਾਸ਼ਟਰਪਤੀਆਂ ਦੀ ਫੇਰੀ ਦੇ ਨਾਲ ਹੀ ਪੀਈਸੀ ਦੀ ਅਮੀਰ ਵਿਰਾਸਤ 'ਤੇ ਵੀ ਚਾਨਣਾ ਪਾਇਆ। ਉਨ੍ਹਾਂ ਵਿਦਿਆਰਥੀਆਂ ਨੂੰ ਸਾਡੇ ਅਸਲ ਸਮਾਜਿਕ ਜੀਵਨ 'ਤੇ ਵੀ ਧਿਆਨ ਦੇਣ ਲਈ ਕਿਹਾ। ਉਨ੍ਹਾਂ ਨੇ ਟਿੱਪਣੀ ਕੀਤੀ ਕਿ, ਸਾਨੂੰ ਤਕਨਾਲੋਜੀ ਦੀ ਵਰਤੋਂ ਕਰਨੀ ਚਾਹੀਦੀ ਹੈ, ਨਾ ਕਿ ਤਕਨਾਲੋਜੀ ਨੂੰ ਸਾਨੂੰ ਵਰਤਣ ਦੇਣਾ ਚਾਹੀਦਾ ਹੈ। ਉਹਨਾਂ ਨੇ ਕਿਹਾ ਕਿ ''ਇਹ ਦੋ ਸਾਲ ਤੁਹਾਡੀ ਜ਼ਿੰਦਗੀ ਵਿੱਚ ਬਹੁਤ ਮਹੱਤਵਪੂਰਨ ਹਨ ਅਤੇ ਤੁਹਾਨੂੰ ਇਹਨਾਂ ਦਾ ਵੱਧ ਤੋਂ ਵੱਧ ਲਾਭ ਉਠਾਉਣਾ ਚਾਹੀਦਾ ਹੈ।''
ਇਸ ਉਪਰੰਤ ਪ੍ਰੋ: ਐਸ.ਕੇ. ਮੰਗਲ, ਅਕਾਦਮਿਕ ਮਾਮਲਿਆਂ ਦੇ ਡੀਨ ਨੇ ਆਪਣੇ ਵਿਸ਼ਿਆਂ-ਕਮ-ਕਲਾਸਾਂ ਦੇ ਵੱਖ-ਵੱਖ ਕੋਰਸਾਂ, ਸ਼ਾਖਾਵਾਂ, ਵੱਖ-ਵੱਖ ਪ੍ਰਕਿਰਿਆਵਾਂ, ਨਿਯਮਾਂ ਅਤੇ ਰੈਗੂਲੇਸ਼ਨਾਂ 'ਤੇ ਚਾਨਣਾ ਪਾਇਆ। ਓਹਨਾ ਨੇ ਵਿਦਿਆਰਥੀਆਂ ਨੂੰ ਅੰਕਾਂ, ਪ੍ਰੀਖਿਆਵਾਂ, ਮੁਲਾਂਕਣ ਅਤੇ ਕ੍ਰੈਡਿਟ ਪ੍ਰਣਾਲੀ ਦੇ ਮਾਮੂਲੀ ਵੇਰਵੇ ਵੀ ਦਿਖਾਏ। ਅੱਗੇ ਵਧਦੇ ਹੋਏ, ਵਿਦਿਆਰਥੀ ਮਾਮਲਿਆਂ ਦੇ ਡੀਨ, ਡਾ. ਡੀ.ਆਰ. ਪ੍ਰਜਾਪਤੀ ਨੇ ਆਪਣੇ ਵਿਲੱਖਣ ਢੰਗ ਨਾਲ ਨਵੇਂ ਬੈਚ ਦਾ ਸਵਾਗਤ ਕੀਤਾ। ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਵੱਖ-ਵੱਖ ਕਲੱਬਾਂ, ਸੈੱਲਾਂ ਅਤੇ ਤਕਨੀਕੀ ਸੁਸਾਇਟੀਆਂ ਨਾਲ ਜਾਣੂ ਕਰਵਾਇਆ। ਉਨ੍ਹਾਂ ਨੇ ਸਵੀਮਿੰਗ ਪੂਲ, ਜਿਮਨੇਜ਼ੀਅਮ, ਓਪਨ ਏਅਰ ਥੀਏਟਰ, ਕ੍ਰਿਕਟ ਅਤੇ ਫੁੱਟਬਾਲ ਗਰਾਊਂਡ ਸਮੇਤ ਵੱਖ-ਵੱਖ ਖੇਡਾਂ ਦੀਆਂ ਸਹੂਲਤਾਂ ਬਾਰੇ ਵੀ ਗੱਲ ਕੀਤੀ। ਉਨ੍ਹਾਂ ਨੇ ਪੀਈਸੀ ਦੇ ਤਕਨੀਕੀ ਅਤੇ ਸੱਭਿਆਚਾਰਕ ਸਮਾਗਮ ਯਾਨੀ ਪੀਈਸੀਫੈਸਟ ’ਤੇ ਵੀ ਚਾਨਣਾ ਪਾਇਆ। ਉਨ੍ਹਾਂ ਐਨ.ਐਸ.ਐਸ., ਐਨ.ਸੀ.ਸੀ., ਕਲੱਬਾਂ ਅਤੇ ਸੁਸਾਇਟੀਆਂ ਦੇ ਕੰਮਕਾਜ ਬਾਰੇ ਵੀ ਗੱਲ ਕੀਤੀ। ਉਨ੍ਹਾਂ ਸੰਸਥਾ ਵਿੱਚ ਚਲਾਈਆਂ ਜਾ ਰਹੀਆਂ ਵੱਖ-ਵੱਖ ਗਤੀਵਿਧੀਆਂ ਬਾਰੇ ਵੀ ਜਾਣਕਾਰੀ ਦਿੱਤੀ।
ਇਸ ਤੋਂ ਬਾਅਦ, ਡੀਨ ਐਸਆਰਆਈਸੀ, ਡੀਨ ਅਲੂਮਨੀ ਅਤੇ ਕਾਰਪੋਰੇਟ ਰਿਲੇਸ਼ਨਜ਼, ਹੈੱਡ ਸੀਡੀਜੀਸੀ ਅਤੇ ਸੀਨੀਅਰ ਲਾਇਬ੍ਰੇਰੀਅਨ ਨੇ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੇ ਵੱਖ-ਵੱਖ ਵਿਭਾਗਾਂ ਦੁਆਰਾ ਕੀਤੀਆਂ ਗਈਆਂ ਵੱਖ-ਵੱਖ ਗਤੀਵਿਧੀਆਂ ਅਤੇ ਘਟਨਾਵਾਂ ਤੋਂ ਜਾਣੂ ਕਰਵਾਇਆ। ਕੰਪਿਊਟਰ ਸੈਂਟਰ ਦੇ ਮੁਖੀ ਨੇ ਵੀ ਕੰਪਿਊਟਰ ਸੈਂਟਰ ਦੇ ਕੰਮਕਾਜ ਬਾਰੇ ਜਾਣਕਾਰੀ ਦਿੱਤੀ। ਦੋ ਰੋਜ਼ਾ ਉਦਘਾਟਨੀ ਸਮਾਗਮ ਦਾ ਪਹਿਲਾ ਦਿਨ ਸੰਸਥਾਨ ਦੇ ਦੌਰੇ ਅਤੇ ਵਿਭਾਗੀ ਦੌਰੇ ਨਾਲ ਸਮਾਪਤ ਹੋਇਆ।
ਇਸ ਦੇ ਨਾਲ ਹੀ ਬੀਟੇਕ ਓਰੀਐਂਟੇਸ਼ਨ ਵੀ 16 ਤਾਰੀਕ ਤੋਂ ਚੱਲ ਰਿਹਾ ਹੈ। ਵੱਖ-ਵੱਖ ਕਲੱਬ ਨਵੇਂ ਦਾਖਲ ਹੋਏ ਵਿਦਿਆਰਥੀਆਂ ਦੀ ਨੁਮਾਇੰਦਗੀ ਕਰ ਰਹੇ ਹਨ ਅਤੇ ਆਪਣੀ ਜਾਣ-ਪਛਾਣ ਕਰਾ ਰਹੇ ਹਨ। ਸਾਰਾ PEC ਹੀ ਨਵੇਂ ਵਿਦਿਆਰਥੀਆਂ ਦੀ ਊਰਜਾ ਨਾਲ ਗੂੰਜ ਰਿਹਾ ਹੈ।