ਪਟਿਆਲਾ, 24 ਜੁਲਾਈ - ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ (ਪੀ.ਐਸ.ਪੀ.ਸੀ.ਐਲ.) ਦੇ ਮਨੁੱਖੀ ਸਰੋਤ ਵਿਕਾਸ (ਐਚ.ਆਰ.ਡੀ.) ਵਿੰਗ ਨੇ ਅੱਜ ਪਟਿਆਲਾ ਵਿਖੇ ਤਕਨੀਕੀ ਸਿਖਲਾਈ ਸੰਸਥਾਨ (ਟੀ.ਟੀ.ਆਈ.) ਦੇ ਏ.ਈ. ਹੋਸਟਲ ਵਿਖੇ ਬੂਟੇ ਲਗਾਉਣ ਦੀ ਮੁਹਿੰਮ ਸ਼ੁਰੂ ਕੀਤੀ। ਪੀ.ਐਸ.ਪੀ.ਸੀ.ਐਲ. ਦੀ ਵਾਤਾਵਰਣ ਸਥਿਰਤਾ ਪ੍ਰਤੀ ਚੱਲ ਰਹੀ ਵਚਨਬੱਧਤਾ ਦੇ ਹਿੱਸੇ ਵਜੋਂ ਇਸ ਪਹਿਲਕਦਮੀ ਵਿੱਚ 255 ਬੂਟੇ ਲਗਾਏ ਗਏ, ਜਿਨ੍ਹਾਂ ਵਿੱਚ ਛਾਂ, ਫੁੱਲਾਂ ਵਾਲੇ, ਫਲਦਾਰ ਅਤੇ ਸਜਾਵਟੀ ਕਿਸਮਾਂ ਸ਼ਾਮਲ ਸਨ। ਇੰਜੀ. ਆਰ.ਐਸ. ਸੈਣੀ, ਡਾਇਰੈਕਟਰ ਮਨੁੱਖੀ ਸਰੋਤ (ਐਚ.ਆਰ.), ਨੇ ਇੰਜੀ. ਇੰਦਰਜੀਤ ਸਿੰਘ, ਮੁੱਖਇੰਜੀਨੀਅਰ/ਐਚ.ਆਰ.ਡੀ., ਦੇ ਨਾਲ-ਨਾਲ ਹੋਰ ਅਧਿਕਾਰੀਆਂ ਅਤੇ ਸਟਾਫ ਮੈਂਬਰਾਂ ਦੇ ਨਾਲ ਇਸ ਮੁਹਿੰਮ ਦੀ ਅਗਵਾਈ ਕੀਤੀ। ਇਹ ਸਮਾਗਮ ਪੀ.ਐਸ.ਪੀ.ਸੀ.ਐਲ. ਦੇ ਸੀ.ਐਮ.ਡੀ. ਇੰਜੀ. ਬਲਦੇਵ ਸਿੰਘ ਸਰਾਂ ਦੁਆਰਾ ਹਰਿਆਵਲ ਲਈ ਪਹਿਲਕਦਮੀਆਂ ਦਾ ਹਿੱਸਾ ਸੀ।
ਇਸ ਮੌਕੇ  ਇੰਜੀ. ਆਰ.ਐਸ. ਸੈਣੀ ਨੇ ਕਿਹਾ, "ਇਹ ਮੁਹਿੰਮ ਵਾਤਾਵਰਣ ਸੰਭਾਲ ਪ੍ਰਤੀ ਪੀ.ਐਸ.ਪੀ.ਸੀ.ਐਲ. ਦੀ ਵਚਨਬੱਧਤਾ ਦਾ ਸਬੂਤ ਹੈ। ਅਸੀਂ ਸਿਰਫ਼ ਘਰਾਂ ਨੂੰ ਰੌਸ਼ਨ ਨਹੀਂ ਕਰ ਰਹੇ, ਅਸੀਂ ਕੁਦਰਤ ਦੀ ਪਾਲਣਾ ਕਰ ਰਹੇ ਹਾਂ।"। ਇੰਜੀ. ਸੈਣੀ ਨੇ ਮੁਹਿੰਮ ਵਿੱਚ ਸ਼ਾਮਲ ਕਾਮਿਆਂ ਦੀ ਵੀ ਸ਼ਲਾਘਾ ਕੀਤੀ ਅਤੇ ਉਨ੍ਹਾਂ ਦੇ ਸਮਰਪਣ ਅਤੇ ਮਿਹਨਤ ਦੀ ਕਦਰ ਵਜੋਂ ਮਠਿਆਈ ਵੰਡੀ।