ਆਬਕਾਰੀ ਨੀਤੀ ਸਾਲ 2024-25 ਲਈ ਅਲਾਟ ਕੀਤੇ ਗਏ ਵੱਖ-ਵੱਖ ਲਾਇਸੰਸਿੰਗ ਯੂਨਿਟਾਂ ਅਤੇ ਥੋਕ ਗੋਦਾਮਾਂ 'ਤੇ ਸਖ਼ਤ ਨਿਰੀਖਣਾਂ ਦੀ ਲੜੀ ਨੂੰ ਜਾਰੀ ਰੱਖਦੇ ਹੋਏ, ਆਬਕਾਰੀ ਵਿਭਾਗ ਦੇ ਅਧਿਕਾਰੀਆਂ ਦੀ ਇੱਕ ਟੀਮ ਨੇ ਇੱਕ ਥੋਕ ਲਾਇਸੰਸਧਾਰਕ ਦੇ ਅਹਾਤੇ 'ਤੇ ਨਿਰੀਖਣ ਕੀਤਾ। ਇਸ ਕਾਰਵਾਈ ਦੌਰਾਨ, ਇਨਫੋਰਸਮੈਂਟ ਟੀਮ ਨੇ ਲਗਭਗ 1.98 ਕਰੋੜ ਰੁਪਏ ਦੀ ਕੀਮਤ ਦੀ ਭਾਰਤੀ ਬਣੀ ਵਿਦੇਸ਼ੀ ਸ਼ਰਾਬ (ਆਈਐਮਐਫਐਲ) ਦੀਆਂ ਕੁੱਲ 792 ਬੋਤਲਾਂ ਜ਼ਬਤ ਕੀਤੀਆਂ।

ਸ਼. ਰੁਪੇਸ਼ ਕੁਮਾਰ, ਆਈ.ਏ.ਐਸ., ਆਬਕਾਰੀ ਅਤੇ ਕਰ ਕਮਿਸ਼ਨਰ, ਨੇ ਵਿਭਾਗ ਦੀ ਸਖ਼ਤ ਨਿਗਰਾਨੀ ਰੱਖਣ ਅਤੇ ਆਬਕਾਰੀ ਨੀਤੀ ਅਤੇ ਆਬਕਾਰੀ ਐਕਟ 1914 ਦੇ ਨਾਲ-ਨਾਲ ਇਸ ਵਿੱਚ ਬਣਾਏ ਨਿਯਮਾਂ ਦੀ ਪਾਲਣਾ ਨੂੰ ਲਾਗੂ ਕਰਨ ਲਈ ਵਚਨਬੱਧਤਾ 'ਤੇ ਜ਼ੋਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਵਿਭਾਗ ਵੱਲੋਂ ਸਖ਼ਤ ਨਿਗਰਾਨੀ ਰੱਖੀ ਜਾਵੇਗੀ ਅਤੇ ਆਬਕਾਰੀ ਨੀਤੀ ਅਤੇ ਆਬਕਾਰੀ ਐਕਟ ਦੀ ਉਲੰਘਣਾ ਕਰਨ ਵਾਲੇ ਕਿਸੇ ਵੀ ਵਿਅਕਤੀ ਨੂੰ ਬਖਸ਼ਿਆ ਨਹੀਂ ਜਾਵੇਗਾ।