ਨਵਾਂਸ਼ਹਿਰ - ਪਿਛਲੇ ਦਿਨੀਂ ਬਲੱਡ ਬੈਂਕ ਨਵਾਂ ਸ਼ਹਿਰ ਵਿਖੇ ਐਡਵੋਕੇਟ ਕਿਰਪਾਲ ਸਿੰਘ ਜੰਡੀ ਜੀ ਦੀ ਯਾਦ ਵਿੱਚ ਪਹਿਲਾ ਸਵੈਂ ਇਛੁੱਕ ਖੂਨ ਦਾਨ ਕੈਂਪ ਲਗਾਇਆਂ ਗਿਆ। ਪ੍ਰੈਸ ਨੂੰ ਇਹ ਜਾਣਕਾਰੀ ਬੇਟੇ ਐਡਵੋਕੇਟ ਸ: ਜਸਪ੍ਰੀਤ ਸਿੰਘ ਬਾਜਵਾ ਜੀ ਨੇ ਦਿੱਤੀ ਤੇ ਉਨ੍ਹਾਂ ਕਿਹਾ ਖੂਨ ਦਾਨ ਕਰਨਾ ਇੱਕ ਬਹੁਤ ਹੀ ਮਹਾਨ ਕਾਰਜ ਹੈ। 
ਖੂਨਦਾਨ ਕਰਨ ਵਾਲੇ ਦਾਨੀ ਕਿਸੇ ਲੋੜਵੰਦ ਨੂੰ ਨਵਾਂ ਜੀਵਨ ਦਿੰਦੇ ਨੇ ਕਿਸੇ ਨੂੰ ਜੀਵਨ ਦਾਨ ਦੇਣਾ ਬਹੁਤ ਹੀ ਮਹਾਨ ਦਾਨ ਹੈ ਤੇ ਖਾਸਕਰ ਆਪਣੇ ਪਿਆਰਿਆ ਨੂੰ ਸਦਾ ਲਈ ਯਾਦ ਰੱਖਣਾ ਤੇ ਉਨ੍ਹਾਂ ਦੇ ਦੁਨੀਆਂ ਤੋਂ ਜਾਣ ਤੋਂ ਬਾਅਦ ਵੀ ਉਨ੍ਹਾਂ ਦਾ ਜੀਵਨ ਯਾਦਗਾਰੀ ਹੋ ਜਾਂਦਾ ਹੈ। 
ਇਸ ਮੌਕੇ ਤੇ ਸੰਗੀਤ ਸਭਾ ਨਵਾਂ ਸ਼ਹਿਰ ਦੇ ਸਾਰੇ ਹੀ ਸਤਿਕਾਰਯੋਗ ਸਾਥੀਆਂ ਨੇ ਖੂਨ ਦਾਨ ਕੈਂਪ ਲਈ ਹਰ ਪੱਖੋਂ ਬਹੁਤ ਹੀ ਸਹਿਯੋਗ ਦਿੱਤਾ ਹੈ ਤੇ ਖੂਨਦਾਨੀਆਂ ਨੂੰ ਖੂਨ ਦਾਨ ਕਰਨ ਲਈ ਬਹੁਤ ਹੀ ਪ੍ਰੇਰਿਤ ਕਰਕੇ ਇਸ ਕੈਂਪ ਨੂੰ ਸਫ਼ਲ ਬਣਾਇਆ ਹੈ। ਇਸ ਸਮੇਂ ਐਡਵੋਕੇਟ ਕਿਰਪਾਲ ਸਿੰਘ ਜੰਡੀ ਦੇ ਪਰਿਵਾਰਕ਼ ਮੈਂਬਰ ਡਾਕਟਰ ਮਲਕੀਤ ਕੌਰ ਜੰਡੀ ਪ੍ਰਸਿੱਧ ਗੀਤਕਾਰ ਤੇ ਪਰਿਵਾਰਿਕ ਮੈਂਬਰਾਂ ਦੇ ਨਾਲ ਨਾਲ ਸੰਗੀਤ ਸਭਾ ਦੇ ਸਾਰੇ ਹੀ ਅਹੁਦੇਦਾਰ ਤੇ ਸਹਿਯੋਗੀ ਹਾਜ਼ਰ ਸੀ। ਜਿਹਨਾਂ ਵਿੱਚ ਗਾਇਕ ਹਰਦੇਵ ਚਾਹਲ, ਦਿਲਵਰ ਜੀਤ ਦਿਲਵਰ, ਲਖਵਿੰਦਰ ਲੱਖਾਂ ਸੂਰਾਪੁਰੀਆ, ਗਾਇਕਾ ਪੂਨਮ ਬਾਲਾ, ਵਿਜੈ ਜੋਤੀ ਤੇ ਹੋਰ ਪੱਤਵੰਤੇ ਵੀ ਮੌਜੂਦ ਰਹੇ।