ਗੜ੍ਹਸ਼ੰਕਰ - ਨਾਮਵਰ ਅਧਿਆਪਕ ਜੋੜੇ ਸੋਹਣ ਸਿੰਘ ਸੇਵਾ-ਮੁਕਤ ਲੈਕਚਰਾਰ ਅਤੇ ਅਮਰਜੀਤ ਕੌਰ ਸੇਵਾ-ਮੁਕਤ ਐੱਸ.ਐੱਸ ਮਿਸਟ੍ਰੈੱਸ ਨਿਵਾਸੀ ਬਲਾਚੌਰ ਵਲੋਂ ਅੱਜ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਖੇੜਾ ਕਲਮੋਟ ਦਾ ਦੌਰਾ ਕੀਤਾ ਗਿਆ।ਸਕੂਲ ਸਟਾਫ ਵਲੋਂ ਉਹਨਾਂ ਨੂੰ ਜੀ ਆਇਆਂ ਨੂੰ ਕਿਹਾ ਗਿਆ। ਸਕੂਲ ਵਿੱਚ ਚਲ ਰਹੀਆਂ ਸਮੁੱਚੀਆਂ ਗਤੀਵਿਧੀਆਂ ਬਾਰੇ ਜਾਣੂ ਕਰਵਾਇਆ ਗਿਆ।ਉਹਨਾਂ ਇਹ ਜਾਣ ਕੇ ਖੁਸ਼ੀ ਦਾ ਇਜ਼ਹਾਰ ਕੀਤਾ ਕਿ ਸਕੂਲ ਦੀਆਂ ਦੋ ਜਮਾਤਾਂ ਛੇਵੀਂ ਅਤੇ ਸੱਤਵੀਂ ਵਿੱਚ ਏ.ਸੀ ਲਗਾਏ ਗਏ ਹਨ।ਉਹਨਾਂ ਵਿਚਾਰ ਅਧੀਨ ਅੱਠਵੀਂ ਜਮਾਤ ਦੇ ਕਮਰੇ ਵਿੱਚ ਏ.ਸੀ ਲਗਵਾਉਣ ਲਈ 11000 ਦੀ ਰਾਸ਼ੀ ਪ੍ਰਦਾਨ ਕੀਤੀ ਅਤੇ ਭਵਿੱਖ ਵਿੱਚ ਹੋਰ ਸਹਾਇਤਾ ਦਾ ਭਰੋਸਾ ਦਿੱਤਾ ਗਿਆ।ਸਕੂਲ ਵਲੋਂ ਜੋੜੇ ਨੂੰ ਪੰਜਾਬੀ ਸੱਭਿਆਚਾਰ ਦੀ ਨਿਸ਼ਾਨੀ ਫੁਲਕਾਰੀ ਅਤੇ ਲੋਈ ਸਮੇਤ ਸਲਾਨਾ ਸਕੂਲ ਮੈਗਜ਼ੀਨ ਨਾਲ਼ ਸਨਮਾਨਿਤ ਕੀਤਾ ਗਿਆ।ਇਸ ਮੌਕੇ ਰਾਣਾ ਸੁਧੀਰ ਸਿੰਘ, ਪ੍ਰੇਮ ਧੀਮਾਨ, ਸੁਦੇਸ਼ ਕੁਮਾਰੀ, ਅਮਰੀਕ ਸਿੰਘ ਦਿਆਲ਼, ਅਰਵਿੰਦ ਸ਼ਰਮਾ, ਪਲਵਿੰਦਰ ਸਿੰਘ, ਮੀਤਕ ਸ਼ਰਮਾ, ਅਨੁਰਾਧਾ ਪਾਠਕ, ਕੁਲਦੀਪ ਰਾਣਾ ਨਿੱਕੂ ਨੰਗਲ, ਰਜੇਸ਼ ਕੁਮਾਰ ਅਤੇ ਸਟਾਫ਼ ਮੈਂਬਰ ਹਾਜ਼ਰ ਸਨ।