ਮੰਡੀ ਗੋਬਿੰਦਗੜ੍ਹ, 11 ਮਾਰਚ - ਦੇਸ਼ ਭਗਤ ਯੂਨੀਵਰਸਿਟੀ ਦੇ ਹੋਟਲ ਮੈਨੇਜਮੈਂਟ ਅਤੇ ਟੂਰਿਜ਼ਮ ਦੇ ਵਿਦਿਆਰਥੀਆਂ ਨੇ ਗੁਲਜ਼ਾਰ ਗਰੁੱਪ ਆਫ਼ ਇੰਸਟੀਚਿਊਟਸ ਦੁਆਰਾ ਆਯੋਜਿਤ ਵੱਕਾਰੀ ਅੰਤਰਰਾਸ਼ਟਰੀ ਰਸੋਈ ਮੁਕਾਬਲੇ ਰੋਬੋਮੇਨੀਆ 2024 ਵਿੱਚ ਦੂਜਾ ਇਨਾਮ ਜਿੱਤਿਆ ਹੈ। ਦੇਸ਼ ਭਰ ਦੇ ਉੱਚ ਪੱਧਰੀ ਸੰਸਥਾਵਾਂ ਦੇ ਮੁਕਾਬਲੇ ਵਿੱਚ, ਮਨਵੀਰ ਸਿੰਘ ਅਤੇ ਮਾਨਵ ਸ਼ਾਹੀ ਦੀ ਟੀਮ ਨੇ ਚਾਈਨੀਜ਼ ਭੋਜਨ ਪੇਸ਼ ਕਰਕੇ ਆਪਣੀ ਪ੍ਰਤਿਭਾ ਅਤੇ ਹੁਨਰ ਦਾ ਪ੍ਰਦਰਸ਼ਨ ਕੀਤਾ। ਇਸ ਤੋਂ ਇਲਾਵਾ ਇੱਕ ਹੋਰ ਪ੍ਰੋਗਰਾਮ ਵਿੱਚ ਇੰਸਟੀਚਿਊਟ ਆਫ ਹੋਟਲ ਮੈਨੇਜਮੈਂਟ ਐਂਡ ਟੂਰਿਜ਼ਮ ਦੇ ਅਕਾਦਮਿਕ ਡਾਇਰੈਕਟਰ ਡਾ: ਅਮਨ ਸ਼ਰਮਾ ਅਤੇ ਸ਼ੈੱਫ ਰਿੰਕੂ ਸਿੰਘ ਨੂੰ 2023-24 ਲਈ ਵੱਕਾਰੀ "ਆਹਾਰ ਵੈਜ" ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ। ਡਾ. ਅਮਨ ਸ਼ਰਮਾ ਨੇ ਸਰਵੋਤਮ ਐਸੋਸੀਏਟ ਪ੍ਰੋਫੈਸਰ (ਐੱਚ.ਐੱਮ.) ਅਤੇ ਸ਼ੈੱਫ ਰਿੰਕੂ ਸਿੰਘ ਨੇ ਸਰਵੋਤਮ ਸਹਾਇਕ ਪ੍ਰੋਫੈਸਰ ਦਾ ਪੁਰਸਕਾਰ ਜਿੱਤਿਆ। ਇਨ੍ਹਾਂ ਪ੍ਰਾਪਤੀਆਂ 'ਤੇ ਖੁਸ਼ੀ ਦਾ ਪ੍ਰਗਟਾਵਾ ਕਰਦਿਆਂ ਦੇਸ਼ ਭਗਤ ਯੂਨੀਵਰਸਿਟੀ ਦੇ ਚਾਂਸਲਰ ਡਾ: ਜ਼ੋਰਾ ਸਿੰਘ ਨੇ ਜੇਤੂ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ |