ਪੰਜਾਬੀ ਗਾਇਕ ਗੁਰੀ ਖੋਸਾ ਦਾ ਗੀਤ ਮਾਂ ਅੱਜ ਇੱਥੇ ਰਿਲੀਜ਼ ਕੀਤਾ ਗਿਆ। ਇਸ ਗੀਤ ਰਿਲੀਜ਼ ਪ੍ਰੋਗਰਾਮ ਦੌਰਾਨ ਪੰਜਾਬੀ ਗਾਇਕ ਤੇ ਅਦਾਕਾਰ ਹਰਦੀਪ ਗਿੱਲ, ਦਰਸ਼ਨ ਔਲਖ, 

ਸੰਤੋਸ਼ ਕਟਾਰੀਆ, ਵਾਇਟਲ ਰਿਕਾਰਡਜ਼ ਦੇ ਐਮਡੀ ਅਤੇ ਗੀਤ ਨਿਰਮਾਤਾ ਤਲਜਿੰਦਰ ਸਿੰਘ ਨਾਗਰਾ ਅਤੇ ਪੰਜਾਬੀ ਸੰਗੀਤ ਅਤੇ ਫਿਲਮ ਇੰਡਸਟਰੀ ਨਾਲ ਸਬੰਧਤ ਹੋਰ ਸ਼ਖਸੀਅਤਾਂ ਹਾਜ਼ਰ ਸਨ।
ਗਾਇਕ ਗੁਰੀ ਖੋਸਾ ਇਸਤੋਂ ਪਹਿਲਾਂ ਰੀਐਲਟੀ ਸ਼ੋ ਆਵਾਜ਼ ਪੰਜਾਬ ਦੀ ਦੇ ਦੂਜੇ ਰਨਰ-ਅੱਪ ਰਹਿ ਚੁੱਕੇ ਹਨ। ਉਹਨਾਂ ਦਾ ਸਿੰਗਲ ਟਰੈਕ ‘ਮਾਂ’ ਰਿਲੀਜ ਕਰਨ ਮੌਕੇ ਉਹ ਥੋੜ੍ਹੇ ਭਾਵੁਕ ਵੀ ਵਿਖੇ। ਉਹਨਾਂ ਦੱਸਿਆ ਕਿ ਇਸ 

ਗੀਤ ਦੀ ਰਿਲੀਜ ਵਾਸਤੇ ਉਹਨਾਂ ਨੂੰ ਕਾਫੀ ਲੰਬਾ ਸਫਰ ਤੈਅ ਕਰਨਾ ਪਿਆ ਹੈ ਅਤੇ ਉਨ੍ਹਾਂ ਦਾ ਇਹ ਸਫਰ ਉਤਰਾਅ-ਚੜ੍ਹਾਅ ਵਾਲਾ ਰਿਹਾ ਹੈ।
ਗੁਰੀ ਨੇ ਦੱਸਿਆ ਕਿ ਉਸਨੇ ਆਪਣੇ ਉਸਤਾਦ ਮੌਨੀ ਸ਼ਰਮਾ ਤੋਂ ਗਾਇਕੀ ਦੀ ਸਿਖਲਾਈ ਲਈ। ਇਸ ਤੋਂ ਬਾਅਦ ਉਸਨੇ ਰੀਐਲਿਟੀ ਸ਼ੋ ਆਵਾਜ਼ ਪੰਜਾਬ ਦੀ ਵਿੱਚ ਹਿੱਸਾ ਲਿਆ ਜਿੱਥੇ ਉਹ ਸੈਕਿੰਡ ਰਨਰ ਅੱਪ ਚੁਣਿਆ 

ਗਿਆ, ਪਰ ਉਸ ਤੋਂ ਬਾਅਦ ਉਸ ਨੂੰ ਕਿਧਰੇ ਵੀ ਕੰਮ ਨਹੀਂ ਮਿਲਿਆ ਅਤੇ ਉਹ ਆਪਣੇ ਖੇਤਾਂ ਵਿੱਚ ਸਖਤ ਮਿਹਨਤ ਕਰਨ ਲਈ ਮਜਬੂਰ ਹੋ ਗਿਆ। ਉਸਨੇ ਦੱਸਿਆ ਕਿ ਕੁਝ ਸਮੇਂ ਬਾਅਦ (ਆਰਥਿਕ ਤੰਗੀ ਕਾਰਨ) 

ਉਸਨੇ ਜ਼ੋਮੈਟੋ ਵਿਚ ਇੱਕ ਡਿਲੀਵਰੀ ਬੁਆਏ ਵਜੋਂ ਵੀ ਕੰਮ ਕੀਤਾ। ਇਸ ਦੌਰਾਨ ਉਸ ਦੀ ਮੁਲਾਕਾਤ ਅਰਸ਼ ਨਾਗਰਾ ਨਾਲ ਹੋਈ ਅਤੇ ਅਰਸ਼ ਨੇ ਉਸ ਨੂੰ ਤਲਜਿੰਦਰ ਨਾਗਰਾ ਨਾਲ ਮਿਲਾਇਆ। ਫਿਰ ਉਸਨੂੰ ਵਾਈਟਲ 

ਰਿਕਾਰਡਸ ਵਲੋਂ ਮੌਕਾ ਦਿੱਤਾ ਗਿਆ। ਸਭ ਤੋਂ ਪਹਿਲਾਂ ਉਸ ਨੇ ਆਪਣੇ ਲਿਖੇ ਗੀਤ ‘ਮਾਂ’ ਨੂੰ ਰਿਲੀਜ਼ ਕਰਨ ਦੀ ਇੱਛਾ ਪ੍ਰਗਟਾਈ ਸੀ। ਜੋ ਹੁਣ ਪੂਰਾ ਹੋ ਗਿਆ ਹੈ।
ਇਸ ਗੀਤ ਨੂੰ ਵਾਇਟਲ ਰਿਕਾਰਡਜ਼ ਦੇ ਬੈਨਰ ਹੇਠ ਰਿਲੀਜ਼ ਕੀਤਾ ਗਿਆ ਹੈ। ਗੀਤ ਦਾ ਸੰਗੀਤ ਪਾਰਥ ਕਟਾਰੀਆ ਨੇ ਦਿੱਤਾ ਹੈ। ਗੀਤ ਵਿੱਚ ਮੁੱਖ ਮਾਡਲ ਦੀ ਭੂਮਿਕਾ ਅਰਸ਼ ਨਾਗਰਾ ਨੇ ਨਿਭਾਈ ਹੈ ਜਦੋਂਕਿ ਮਾਂ ਦੀ 

ਭੂਮਿਕਾ ਪੰਜਾਬੀ ਅਦਾਕਾਰ ਰਾਜ ਧਾਲੀਵਾਲ ਨੇ ਨਿਭਾਈ ਹੈ। ਵਾਈਟਲ ਰਿਕਾਰਡਸ ਅਤੇ ਐਮ ਐਚ 1 ਦੀ ਨਿਗਰਾਨੀ ਹੇਠ ਸ਼ੂਟ ਕੀਤਾ ਗਿਆ ਇਹ ਗੀਤ ਮਾਂ ਅਤੇ ਪੁੱਤਰ ਦੀ ਕਹਾਣੀ ਨੂੰ ਦਰਸਾਉਂਦਾ ਹੈ।