ਚੰਡੀਗੜ੍ਹ: ਪੰਜਾਬ ਭਾਜਪਾ ਦੇ ਉਪਪ੍ਰਧਾਨ ਡਾ. ਸੁਭਾਸ਼ ਸ਼ਰਮਾ ਨੇ ਅੱਜ ਪੰਜਾਬ ਦੀ ਮਾਨ ਸਰਕਾਰ 'ਤੇ ਰਾਜਨੀਤਕ ਹਮਲਾ ਕਰਦੇ ਹੋਏ ਕਿਹਾ ਕਿ ਆਮ ਆਦਮੀ ਪਾਰਟੀ ਦੇ ਨੇਤਾਵਾਂ ਨੂੰ ਜਾਂ ਤਾਂ ਪਹਿਲਾਂ ਕੇਂਦਰੀ ਬਜਟ ਪੜ੍ਹ ਲੈਣਾ ਚਾਹੀਦਾ ਹੈ ਜਾਂ ਫਿਰ ਅਰਥਸ਼ਾਸਤਰੀਆਂ ਤੋਂ ਇਸ ਬਜਟ ਬਾਰੇ ਸਮਝਣਾ ਚਾਹੀਦਾ ਹੈ ਅਤੇ ਉਸ ਤੋਂ ਬਾਅਦ ਹੀ ਬਜਟ ਬਾਰੇ ਕੋਈ ਬਿਆਨ ਦੇਣਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਜੋ ਲੋਕ ਕਹਿ ਰਹੇ ਹਨ ਕਿ ਪੰਜਾਬ ਨੂੰ ਬਜਟ 'ਚ ਕੁਝ ਨਹੀਂ ਮਿਲਿਆ, ਉਨ੍ਹਾਂ ਨੇ ਬਜਟ ਨੂੰ ਪੜ੍ਹਿਆ ਹੀ ਨਹੀਂ ਹੈ। 
ਇਹਨਾਂ ਲੋਕਾਂ ਦਾ ਕੰਮ ਦਰਅਸਲ ਹਰ ਚੀਜ਼ ਵਿੱਚ ਨੁਕਸ ਕੱਢਣਾ ਹੈ ਅਤੇ ਇਹ ਸਿਰਫ਼ ਅਤੇ ਸਿਰਫ਼ ਝੂਠ ਦੀ ਰਾਜਨੀਤੀ ਕਰਦੇ ਹਨ। ਬਜਟ ਵਿੱਚ ਕੀਤੀਆਂ ਐਲਾਨਾਂ ਦਾ ਜ਼ਿਕਰ ਕਰਦੇ ਹੋਏ ਡਾ. ਸੁਭਾਸ਼ ਸ਼ਰਮਾ ਨੇ ਕਿਹਾ ਕਿ ਕੇਂਦਰੀ ਵਿੱਤ ਮੰਤਰੀ ਨੇ ਬਜਟ ਵਿੱਚ ਜਿਨ੍ਹਾਂ ਵਿਸ਼ਾਲ ਸਬਜ਼ੀ ਉਤਪਾਦਨ ਕਲਸਟਰਾਂ ਦੇ ਵਿਕਾਸ ਦੀ ਘੋਸ਼ਣਾ ਕੀਤੀ ਹੈ, ਉਸ ਤੋਂ ਪੰਜਾਬ ਦੇ ਰੂਪਨਗਰ, ਬਰਨਾਲਾ ਅਤੇ ਲੁਧਿਆਣਾ ਨੂੰ ਕਾਫ਼ੀ ਲਾਭ ਹੋਵੇਗਾ ਕਿਉਂਕਿ ਇੱਥੇ ਸਬਜ਼ੀਆਂ ਦੀ ਮੰਗ ਬਹੁਤ ਵੱਧ ਹੈ। ਇਸੇ ਤਰ੍ਹਾਂ ਕੇਂਦਰੀ ਬਜਟ ਵਿੱਚ ਵਾਤਾਵਰਨ-ਮਿੱਤਰ ਕ੍ਰਿਸ਼ੀ ਬਜਟ ਲਈ 598 ਕਰੋੜ ਰੁਪਏ ਕੀਤੇ ਗਏ ਹਨ, ਜਿਸ ਨਾਲ ਪੰਜਾਬ ਨੂੰ ਕਾਫੀ ਲਾਭ ਹੋਵੇਗਾ। 
ਬਜਟ ਵਿੱਚ ਕੇਂਦਰੀ ਵਿੱਤ ਮੰਤਰੀ ਨੇ ਐਮਐਸਐਮਈ ਲਈ ਕਰੈਡਿਟ ਗਰੰਟੀ ਸਕੀਮ ਦੀ ਘੋਸ਼ਣਾ ਕੀਤੀ ਹੈ, ਜੋ ਕਿ ਪੰਜਾਬ ਦੇ 1.6 ਲੱਖ ਐਮਐਸਐਮਈ ਯੂਨਿਟਾਂ ਲਈ ਲਾਭਕਾਰੀ ਸਾਬਤ ਹੋਵੇਗੀ ਅਤੇ ਇਸ ਦਾ ਸਭ ਤੋਂ ਵੱਧ ਫ਼ਾਇਦਾ ਲੁਧਿਆਣਾ, ਜਲੰਧਰ ਅਤੇ ਅੰਮ੍ਰਿਤਸਰ ਦੇ ਵਪਾਰੀਆਂ ਨੂੰ ਹੋਵੇਗਾ। ਡਾ. ਸੁਭਾਸ਼ ਸ਼ਰਮਾ ਨੇ ਦੱਸਿਆ ਕਿ ਬਜਟ ਵਿੱਚ ਮੂਦਰਾ ਲੋਨ ਦੀ ਸੀਮਾ 20 ਲੱਖ ਤੱਕ ਵਧਾ ਦਿੱਤੀ ਗਈ ਹੈ, ਜਿਸ ਦਾ ਲਾਭ ਪੰਜਾਬ ਦੇ ਵਪਾਰੀਆਂ ਨੂੰ ਹੋਵੇਗਾ। ਇਸਦੇ ਇਲਾਵਾ, ਬਜਟ ਵਿੱਚ ਸਰਕਾਰ ਨੇ ਚਮੜਾ ਅਤੇ ਕੱਪੜੇ ਦੇ ਨਿਰਮਾਤਾਵਾਂ ਨੂੰ ਰਾਹਤ ਦਿੰਦੇ ਹੋਏ ਡਾਊਨ ਫਿਲਿੰਗ ਸਮੱਗਰੀ 'ਤੇ ਮੁਢਲੀ ਸੀਮਾ ਸ਼ੁਲਕ ਘਟਾਉਣ ਦਾ ਪ੍ਰਸਤਾਵ ਰੱਖਿਆ ਹੈ ਅਤੇ ਨਿਰਯਾਤ ਲਈ ਚਮੜੇ ਅਤੇ ਵਸਤ੍ਰਾਂ ਦੀ ਤਿਆਰੀ, ਜੁੱਤੇ ਅਤੇ ਹੋਰ ਚਮੜੇ ਦੀਆਂ ਚੀਜ਼ਾਂ ਬਣਾਉਣ ਲਈ ਛੂਟ ਪ੍ਰਾਪਤ ਸਮਾਨ ਦੀ ਸੂਚੀ ਵਿੱਚ ਵੀ ਵਾਧਾ ਕੀਤਾ ਹੈ। 
ਇਸ ਨਾਲ ਜਲੰਧਰ ਦੀ ਚਮੜਾ ਅਤੇ ਟੈਕਸਟਾਈਲ ਇੰਡਸਟਰੀ ਨੂੰ ਕਾਫੀ ਲਾਭ ਹੋਵੇਗਾ। ਡਾ. ਸੁਭਾਸ਼ ਸ਼ਰਮਾ ਨੇ ਕਿਹਾ ਕਿ ਵਿੱਤ ਵਰ੍ਹਾ 2024-25 ਵਿੱਚ ਪੰਜਾਬ ਨੂੰ ਕੁੱਲ 122,537.11 ਕਰੋੜ ਮਿਲੇ, ਜੋ ਕਿ ਕੇਂਦਰੀ ਕਰਾਂ ਅਤੇ ਡਿਊਟੀਆਂ ਦੀ ਸ਼ੁੱਧ ਆਮਦਨ ਦੇ ਵੰਡ ਦਾ ਲਗਭਗ 2 ਪ੍ਰਤੀਸ਼ਤ ਹੈ। ਇਸ ਤੋਂ ਇਲਾਵਾ, ਪ੍ਰਧਾਨ ਮੰਤਰੀ ਅੰਨਦਾਤਾ ਆਯ ਸੁਰੱਖਿਆ ਯੋਜਨਾ (ਪੀਐਮ-ਆਸ਼ਾ) ਲਈ ਕੁੱਲ 6,437.50 ਕਰੋੜ ਰੁਪਏ  ਕੀਤੇ ਗਏ ਹਨ, ਜੋ ਇਹ ਯਕੀਨੀ ਬਣਾਏਗਾ ਕਿ ਪੰਜਾਬ ਦੇ 10.93 ਲੱਖ ਕਿਸਾਨਾਂ ਨੂੰ ਉਨ੍ਹਾਂ ਦੀ ਫਸਲ ਲਈ ਲਾਭਕਾਰੀ ਮੁੱਲ ਦਿੱਤਾ ਜਾਵੇ। 
ਬਜਟ ਵਿੱਚ ਵਿੱਤ ਮੰਤਰੀ ਨੇ ਗ੍ਰੀਨ ਨੈਸ਼ਨਲ ਹਾਈਵੇ ਕੋਰੀਡੋਰ ਪ੍ਰੋਜੈਕਟ ਲਈ 832.03 ਕਰੋੜ ਦੇ ਫੰਡ  ਕੀਤੇ ਹਨ, ਜਿਸ ਨਾਲ ਪੰਜਾਬ ਦੀ ਬਾਕੀ ਰਾਜਾਂ ਨਾਲ ਕੁਨੈਕਟਿਵਿਟੀ ਵਧੇਗੀ ਅਤੇ ਪੰਜਾਬ ਦੇ ਇਨਫਰਾਸਟ੍ਰਕਚਰ ਪ੍ਰੋਜੈਕਟਾਂ ਨੂੰ ਕਾਫੀ ਲਾਭ ਹੋਵੇਗਾ। ਡਾ. ਸੁਭਾਸ਼ ਸ਼ਰਮਾ ਨੇ ਕਿਹਾ ਕਿ ਬਜਟ ਵਿੱਚ ਪੰਜਾਬ ਲਈ ਹੋਰ ਵੀ ਬਹੁਤ ਕੁਝ ਹੈ|