ਕਪੂਰਥਲਾ (ਪੈਗਾਮ ਏ ਜਗਤ) - ਰੇਲ ਕੋਚ ਫੈਕਟਰੀ ਵਿਭਾਗ ਕਪੂਰਥਲਾ ਤੋਂ ਸੇਵਾ ਮੁਕਤ ਹੋਏ ਸਰਦਾਰ ਗੁਰਮਨਜੀਤ ਸਿੰਘ ਜੀ ਨੂੰ  ਪ੍ਰਧਾਨ ਗੁਰਮੀਤ ਸਿੰਘ ਗੋਲਡੀ ਤੇ ਉਨ੍ਹਾਂ ਦੀ ਸਮੁੱਚੀ ਟੀਮ ਵੱਲੋਂ ਸਨਮਾਨਤ ਕੀਤਾ ਗਿਆ। ਇਸ  ਮੌਕੇ ਪ੍ਰਧਾਨ ਗੋਲਡੀ ਨੇ  ਦੱਸਿਆ ਕਿ ਸਰਦਾਰ ਗੁਰਮਨਜੀਤ ਸਿੰਘ ਜੀ ਬਹੁਤ ਹੀ ਹਸਮੁੱਖ ਸੁਭਾਅ ਦੇ ਇਨਸਾਨ ਹਨ। ਹਰ ਕਿਸੇ ਜ਼ਰੂਰਤਮੰਦ ਦੀ ਮੱਦਦ ਕਰਦੇ ਹਨ । 
ਗੋਲਡੀ ਨੇ ਦੱਸਿਆ ਕਿ ਰੇਲ ਕੋਚ ਫੈਕਟਰੀ ਵਿੱਚ ਗੁਰਮਨਜੀਤ ਸਿੰਘ ਜੀ ਬਤੌਰ ਐਸ, ਐਸ, ਸੀ ਫੈਬਰੀਕੇਸ਼ਨ ਡਿਪਾਰਟਮੈਂਟ ਵਿੱਚ ਕੰਮ ਕਰਦੇ ਸਨ ਤੇ ਆਪਣੇ ਸਾਥੀਆਂ ਨਾਲ ਹਮੇਸ਼ਾ ਮੋਢੇ ਨਾਲ ਮੋਢਾ ਲਾ ਕੇ ਹਸਦਿਆਂ ਹੋਇਆ ਕੰਮ ਕੀਤਾ ਤੇ ਕਦੀ ਕੰਮ ਪ੍ਰਤੀ ਲਾਪਰਵਾਹੀ ਨਹੀਂ ਕੀਤੀ ਤੇ ਨਾ ਕਿਸੇ ਸਾਥੀ ਨੂੰ ਕਰਨ ਦਿੱਤੀ। ਡਿਪਾਰਟਮੈਂਟ ਦੇ ਸਾਰੇ ਉੱਚ ਅਧਿਕਾਰੀ ਵੀ ਇਹਨਾਂ ਦੇ ਕੰਮਾਂ ਤੋਂ ਹਮੇਸ਼ਾ ਖੁਸ਼ ਰਹੇ। ਜੇਕਰ ਕੰਮ ਪ੍ਰਤੀ ਕੋਈ ਵੀ ਸਮੱਸਿਆ ਆਉਂਦੀ ਤਾਂ ਉਸਨੂੰ ਬਹੁਤ ਹੀ ਵਧੀਆ ਢੰਗ ਨਾਲ ਸੁਲਝਾ ਲੈਂਦੇ। ਇੰਨਾ ਦਾ ਰੇਲ ਕੋਚ ਫੈਕਟਰੀ ਵਿੱਚ ਬਣੇ ਗੁਰੂਦਵਾਰਾ  ਸਾਹਿਬ ਵਿੱਚ ਵੀ ਕਾਫੀ ਯੋਗਦਾਨ ਰਿਆ। ਗੁਰੂ ਘਰ ਦੀ ਸੇਵਾ ਕਰਨਾ, ਬੱਚਿਆਂ ਨੂੰ ਸਿੱਖੀ ਨਾਲ ਜੋੜ ਕੇ ਰੱਖਣਾ, ਕਈ ਤਰ੍ਹਾਂ ਦੀਆਂ  ਸਿੱਖ ਜਥੇਬੰਦੀਆਂ ਦੀ ਨੁਮਾਇੰਦਗੀ ਕਰਨਾ, ਸਮਾਜ ਵਿੱਚ ਜ਼ਰੂਰਤਮੰਦਾਂ ਦੀ ਮੱਦਦ ਕਰਨਾ ਇੰਨਾਂ ਦਾ ਸੁਭਾਅ ਰਿਹਾ ਹੈ| 
ਉੱਧਰ  ਸਨਮਾਨ ਪ੍ਰਾਪਤ ਕਰਕੇ ਸਰਦਾਰ ਗੁਰਮਨਜੀਤ ਸਿੰਘ ਜੀ ਨੇ ਵੀ ਪ੍ਰੀਤ ਨਗਰ ਵੈਲਫੇਅਰ ਸੁਸਾਇਟੀ ਵਲੋਂ ਕੀਤੇ ਸਨਮਾਨ ਦਾ ਧੰਨਵਾਦ ਕੀਤਾ ਤੇ ਕਿਹਾ ਕਿ ਮੈਂ ਹਮੇਸ਼ਾ ਨਗਰ ਦੀ  ਸੇਵਾ ਲਈ ਹਾਜ਼ਿਰ ਰਹਾਂਗਾ। ਇਸ ਮੌਕੇ ਸਨਮਾਨ ਕਰਦਿਆਂ ਪ੍ਰਧਾਨ ਗੁਰਮੀਤ ਸਿੰਘ ਗੋਲਡੀ, ਸੈਕਟਰੀ ਪਰਮਜੀਤ ਸਿੰਘ ਪੰਮਾ, ਕੈਸ਼ੀਅਰ ਸਰਦਾਰ ਗੁਰਮੀਤ ਸਿੰਘ ਜੀ, ਪੰਚ ਸਰਦਾਰ ਕੁਲਜੀਤ ਸਿੰਘ, ਡਾਕਟਰ ਸੁਮੇਸ਼ ਜੀ, ਜਸਪਾਲ ਸਿੰਘ ਭੱਟੀ, ਸ਼ੇਖਰ ਸਲਾਰੀਆ, ਰਾਜੀਵ ਭਾਰਤ ਵਾਜ, ਰਾਵਤ ਜੀ, ਦਵਿੰਦਰ ਸਿੰਘ, ਅਮਰਜੀਤ ਸਲਾਰੀਆ, ਸ੍ਰੀ ਰਤੜਾ ਜੀ, ਲੱਕੀ ਜੀ, ਚਮਕੌਰ ਸਿੰਘ, ਬਲਦੇਵ ਸਿੰਘ ਸ਼ਾਮਿਲ ਹੋਏ।