ਮੰਡੀ ਗੋਬਿੰਦਗੜ੍ਹ, 28 ਮਈ - ਦੇਸ਼ ਭਗਤ ਯੂਨੀਵਰਸਿਟੀ ਦੇ ਸਕੂਲ ਆਫ਼ ਫਾਰਮੇਸੀ ਵੱਲੋਂ ਨਾਭਾ ਦੀ ਇੱਕ ਫਾਰਮਾਸਿਊਟੀਕਲ ਕੰਪਨੀ ਦਾ  ਉਦਯੋਗਿਕ ਦੌਰਾ ਕੀਤਾ ਗਿਆ। ਇਸ ਦੌਰੇ ਦਾ ਸੰਚਾਲਨ ਫੈਕਲਟੀ ਦੇ ਪ੍ਰਿੰਸੀਪਲ ਡਾ. ਪੂਜਾ ਗੁਲਾਟੀ ਨੇ ਕੀਤਾ ਅਤੇ ਉਨ੍ਹਾਂ ਦੇ ਨਾਲ ਐਸੋਸੀਏਟ ਪ੍ਰੋ. ਡਾ. ਦਿਨੇਸ਼ ਕੁਮਾਰ, ਸਹਾਇਕ ਪ੍ਰੋ. ਵਿਸ਼ਾਲ ਅਤੇ ਕੀਰਤੀ ਸਮੇਤ ਯੂਨੀਵਰਸਿਟੀ ਦੇ ਫੈਕਲਟੀ ਦੇ ਮੈਂਬਰ ਸਨ। 
ਇਸ ਦੌਰੇ ਦਾ ਉਦੇਸ਼ ਵਿਦਿਆਰਥੀਆਂ ਦੇ ਨੈੱਟਵਰਕਿੰਗ ਅਤੇ ਭਵਿੱਖ ਦੇ ਕਰੀਅਰ ਦੀ ਤਰੱਕੀ ਲਈ ਗਿਆਨ ਨੂੰ ਵਧਾਉਣਾ, ਉਨ੍ਹਾਂ ਨੂੰ ਅਸਲ-ਸੰਸਾਰ ਦੇ ਉਦਯੋਗਿਕ ਵਾਤਾਵਰਣਾਂ ਤੋਂ ਜਾਣੂ ਕਰਵਾਉਣਾ, ਉਦਯੋਗ ਅਤੇ ਅਕਾਦਮਿਕ ਵਿਚਕਾਰ ਸਬੰਧਾਂ ਨੂੰ ਵਧਾਉਣਾ, ਉਦਯੋਗ ਵਿੱਚ ਸਿਹਤ, ਸੁਰੱਖਿਆ ਅਤੇ ਵਾਤਾਵਰਣ ਦੇ ਪਹਿਲੂਆਂ ਦੀ ਸਮਝ ਨੂੰ ਉਤਸ਼ਾਹਿਤ ਕਰਨਾ ਸੀ। ਬੀ. ਫਾਰਮੇਸੀ ਦੇ ਆਖਰੀ ਸਾਲ ਦੇ 50 ਵਿਦਿਆਰਥੀਆਂ ਤੇ ਤਿੰਨ ਫੈਕਲਟੀ ਮੈਂਬਰਾਂ ਨੂੰ ਕੰਪਨੀ ਅਤੇ ਇਸ ਦੀਆਂ ਸਹੂਲਤਾਂ ਬਾਰੇ ਜਾਨਣ ਦ ਮੌਕਾ ਮਿਲਿਆ। 
ਵਿਦਿਆਰਥੀਆਂ ਨੂੰ ਕੰਪਨੀ ਦੇ ਵੱਖ-ਵੱਖ ਉਤਪਾਦਾਂ ਬਾਰੇ ਵੀ ਜਾਣੂ ਕਰਵਾਇਆ ਗਿਆ। ਵਿਦਿਆਰਥੀਆਂ ਨੇ ਕੱਚੇ ਮਾਲ ਦੇ ਇਕਸਾਰ ਅਤੇ ਕੁਸ਼ਲ ਮਿਸ਼ਰਣ ਨੂੰ ਯਕੀਨੀ ਬਣਾਉਣ ਲਈ ਗ੍ਰੇਨੂਲੇਸ਼ਨ ਪ੍ਰਕਿਰਿਆ ਨੂੰ ਦੇਖਿਆ।