ਪਟਿਆਲਾ, 21 ਮਈ - ਜ਼ਿਲ੍ਹਾ ਪ੍ਰਸ਼ਾਸਨ ਨੇ 23 ਮਈ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਆਮਦ 'ਤੇ ਪੋਲੋ ਗਰਾਊਂਡ ਵਿਖੇ ਹੋਣ ਵਾਲੀ ਚੋਣ ਰੈਲੀ ਦੇ ਮੱਦੇ ਨਜ਼ਰ ਪਾਰਕਿੰਗ ਅਤੇ ਰੂਟ ਡਾਈਵਰਜ਼ਨ ਪਲਾਨ ਜਾਰੀ ਕੀਤਾ ਹੈ, ਜਿਸ ਮੁਤਾਬਿਕ ਹੈਵੀ ਟ੍ਰੈਫਿਕ ਸ਼ਹਿਰ ਦੇ ਅੰਦਰ ਮੁਕੰਮਲ ਤੌਰ 'ਤੇ ਬੰਦ ਰਹੇਗੀ। ਸੰਗਰੂਰ ਸਾਈਡ ਤੋਂ ਆਉਣ ਵਾਲੀ ਹੈਵੀ ਟ੍ਰੈਫਿਕ ਬਾਈਪਾਸ ਤੋਂ ਅੰਦਰ ਨਹੀਂ ਆਵੇਗੀ। ਸਮਾਣਾ ਸਾਈਡ ਤੋਂ ਆਉਣ ਵਾਲੀ ਹੈਵੀ ਟ੍ਰੈਫਿਕ ਪਸਿਆਣਾ ਤੋਂ ਅੰਦਰ ਨਹੀਂ ਆਵੇਗੀ। ਮੈਣ ਸਾਈਡ ਤੋਂ ਆਉਣ ਵਾਲੀ ਹੈਵੀ ਟ੍ਰੈਫਿਕ ਬਾਈਪਾਸ ਤੋਂ ਅੰਦਰ ਨਹੀਂ ਆਵੇਗੀ। ਡਕਾਲਾ ਸਾਈਡ ਤੋਂ ਆਉਣ ਵਾਲੀ ਹੈਵੀ ਟ੍ਰੈਫਿਕ ਬਾਈਪਾਸ ਤੋਂ ਅੰਦਰ ਨਹੀਂ ਆਵੇਗੀ।
 ਦੇਵੀਗੜ੍ਹ ਸਾਈਡ ਤੋਂ ਆਉਣ ਵਾਲੀ ਹੈਵੀ ਟ੍ਰੈਫਿਕ ਨਾਨਕਸਰ ਗੁਰਦੁਆਰਾ ਸਾਹਿਬ ਤੋਂ ਅੱਗੇ ਅੰਦਰ ਨਹੀਂ ਆਵੇਗੀ। ਨਾਭਾ ਸਾਈਡ ਤੋਂ ਆਉਣ ਵਾਲੀ ਹੈਵੀ ਟ੍ਰੈਫਿਕ ਧਬਲਾਨ ਤੋਂ ਅੱਗੇ ਅੰਦਰ ਸਿਟੀ ਵੱਲ ਨਹੀਂ ਆਵੇਗੀ।
ਭਾਦਸੋਂ ਸਾਈਡ ਤੋਂ ਆਉਣ ਵਾਲੀ ਹੈਵੀ ਟ੍ਰੈਫਿਕ ਸਿਉਣਾ ਚੌਂਕ ਤੋਂ ਸਰਹੰਦ ਰੋਡ ਨੂੰ ਜਾਵੇਗੀ। ਸਰਹੰਦ ਸਾਈਡ ਤੋਂ ਆਉਣ ਵਾਲੀ ਟ੍ਰੈਫਿਕ ਬਾਈਪਾਸ ਰਾਹੀਂ ਸਿਟੀ ਦੇ ਬਾਹਰੋਂ ਦੀ ਜਾਵੇਗੀ।
 ਨਵਾਂ ਬੱਸ ਸਟੈਂਡ ਤੋਂ ਹੈਵੀ ਟ੍ਰੈਫਿਕ ਸਿਟੀ ਵੱਲ ਨਹੀਂ ਆਵੇਗੀ। ਲੱਕੜ ਮੰਡੀ (ਪੁਰਾਣੀ ਰਾਜਪੁਰਾ ਚੁੰਗੀ) ਤੋਂ ਹੈਵੀ ਟ੍ਰੈਫਿਕ ਸਿਟੀ ਵੱਲ ਨਹੀਂ ਆਵੇਗੀ। ਟੀ-ਪੁਆਇੰਟ ਗੁਰਦੁਆਰਾ ਦੂਖਨਿਵਾਰਨ ਸਾਹਿਬ ਤੋਂ ਹੈਵੀ ਟ੍ਰੈਫਿਕ ਸਿਟੀ ਵੱਲ ਨਹੀਂ ਆਵੇਗੀ।

ਰੈਲੀ ਵਾਲੇ ਵਹੀਕਲ : ਰਾਜਪੁਰਾ ਸਾਈਡ ਤੋਂ ਆਉਣ ਵਾਲੇ ਵਹੀਕਲ ਨਵਾਂ ਬੱਸ ਸਟੈਂਡ ਤੋਂ ਪੁਰਾਣਾ ਬੱਸ ਸਟੈਂਡ, ਖੰਡਾ ਚੌਂਕ ਤੋਂ ਫੁਆਰਾ ਚੌਂਕ ਹੁੰਦੇ ਹੋਏ ਲੋਅਰ ਮਾਲ ਰੋਡ ਤੋਂ ਵਿਅਕਤੀਆਂ ਨੂੰ ਰੈਲੀ ਵਾਲੇ ਸਥਾਨ 'ਤੇ ਉਤਾਰ ਕੇ ਅੱਗੇ ਪਾਰਕਿੰਗ ਵਿੱਚ ਜਾਣਗੇ।  ਸੰਗਰੂਰ ਅਤੇ ਸਮਾਣਾ ਸਾਈਡ ਤੋਂ ਆਉਣ ਵਾਲੇ ਵਹੀਕਲ ਆਰਮੀ ਏਰੀਆ ਹੁੰਦੇ ਹੋਏ ਠੀਕਰੀਵਾਲਾ ਚੌਂਕ ਤੋਂ ਫੁਆਰਾ ਚੌਂਕ ਹੁੰਦੇ ਹੋਏ ਲੋਅਰ ਮਾਲ ਰੋਡ ਤੋਂ ਵਿਅਕਤੀਆਂ ਨੂੰ ਰੈਲੀ ਵਾਲੇ ਸਥਾਨ 'ਤੇ ਉਤਾਰ ਕੇ ਅੱਗੇ ਪਾਰਕਿੰਗ ਵਿੱਚ ਜਾਣਗੇ। ਸਰਹੰਦ ਸਾਈਡ ਤੋਂ ਆਉਣ ਵਾਲੇ ਵਹੀਕਲ ਖੰਡਾ ਚੌਂਕ ਤੋਂ ਫੁਆਰਾ ਚੌਂਕ ਹੁੰਦੇ ਹੋਏ ਲੋਅਰ ਮਾਲ ਰੋਡ ਤੋਂ ਵਿਅਕਤੀਆਂ ਨੂੰ ਰੈਲੀ ਵਾਲੇ ਸਥਾਨ 'ਤੇ ਉਤਾਰ ਕੇ ਅੱਗੇ ਪਾਰਕਿੰਗ ਵਿੱਚ ਜਾਣਗੇ। ਨਾਭਾ ਸਾਈਡ ਤੋਂ ਆਉਣ ਵਾਲੇ ਵਹੀਕਲ ਧਬਲਾਨ ਤੋਂ ਸੰਗਰੂਰ ਰੋਡ ਹੁੰਦੇ ਹੋਏ ਆਰਮੀ ਏਰੀਆ, ਠੀਕਰੀਵਾਲਾ ਚੌਕ ਫੁਆਰਾ ਚੌਂਕ ਲੋਅਰ ਮਾਲ ਰੋਡ ਤੋਂ ਵਿਅਕਤੀਆਂ ਨੂੰ ਰੈਲੀ ਵਾਲੇ ਸਥਾਨ 'ਤੇ ਉਤਾਰ ਕੇ ਅੱਗੇ ਪਾਰਕਿੰਗ ਵਿੱਚ ਜਾਣਗੇ।
 ਪਾਰਕਿੰਗ ਲਈ ਥਾਵਾਂ : ਫੂਲ ਸਿਨੇਮਾ, ਮਾਲਵਾ ਸਿਨੇਮਾ, ਮੋਦੀ ਕਾਲਜ, ਮਹਿੰਦਰਾ ਕਾਲਜ, ਐਨ ਆਈ ਐਸ, ਗੁਰਦੁਆਰਾ ਸਾਹਿਬ ਮੋਤੀ ਬਾਗ। ਫੁਹਾਰਾ ਚੌਂਕ ਤੋਂ ਐਨ ਆਈ ਐਸ ਤਕ ਆਵਾਜਾਈ ਵਨ-ਵੇਅ ਰਹੇਗੀ।