ਪਟਿਆਲਾ, 17 ਮਈ - ਸਨੌਰ ਰੋਡ 'ਤੇ ਜੈਸਮੀਨ ਕਲੋਨੀ 'ਚ ਬਣੀਆਂ ਝੁੱਗੀਆਂ 'ਚ ਸ਼ਾਰਟ ਸਰਕਟ ਕਾਰਨ ਅੱਗ ਲੱਗਣ ਕਾਰਨ ਤਿੰਨ ਝੁੱਗੀਆਂ ਸੜ ਕੇ ਸੁਆਹ ਹੋ ਗਈਆਂ ਪਰ ਘਟਨਾ ਵਿੱਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ। ਘਟਨਾ ਸਥਾਨ 'ਤੇ ਪਹੁੰਚੇ ਲੋਕਾਂ ਦਾ ਕਹਿਣਾ ਸੀ ਕਿ ਕੁਝ ਹੀ ਸਮੇਂ 'ਚ ਅੱਗ ਇੰਨੀ ਫੈਲ ਗਈ ਕਿ ਝੌਂਪੜੀਆਂ 'ਚ ਰੱਖਿਆ ਸਾਮਾਨ ਵੀ ਚੁੱਕਣ ਦਾ ਮੌਕਾ ਨਹੀਂ ਮਿਲਿਆ। 
ਅੱਗ ਲੱਗਣ ਕਾਰਨ ਇੱਕ ਝੌਂਪੜੀ ਵਿੱਚ ਰੱਖਿਆ ਸਿਲੰਡਰ ਵੀ ਫਟ ਗਿਆ। ਸੂਚਨਾ ਤੋਂ ਬਾਅਦ ਫਾਇਰ ਬ੍ਰਿਗੇਡ ਦੀ ਟੀਮ ਮੌਕੇ 'ਤੇ ਪਹੁੰਚੀ ਅਤੇ ਤਿੰਨ ਗੱਡੀਆ ਨਾਲ ਕਾਫੀ ਮੁਸ਼ੱਕਤ ਤੋਂ ਬਾਅਦ ਅੱਗ 'ਤੇ ਕਾਬੂ ਪਾਇਆ ਗਿਆ। ਫਾਇਰ ਵਿਭਾਗ ਦੇ ਅਧਿਕਾਰੀ ਨੇ ਦੱਸਿਆ ਕਿ ਜਦੋਂ ਇਕ ਗੱਡੀ ਨਾਲ ਅੱਗ ਬੁਝਦੀ ਨਾ ਦਿੱਸੀ ਤਾਂ ਦੋ ਹੋਰ ਗੱਡੀਆਂ ਸੱਦੀਆਂ ਗਈਆਂ।