ਇਹ ਉਪਲਬਧੀ ਹਾਸਲ ਕਰਨ ਵਾਲਾ ਸੂਬੇ ਦਾ ਦੂਜਾ ਸਿਵਲ ਹਸਪਤਾਲ ਹੈ
ਊਨਾ, 9 ਜੁਲਾਈ - ਊਨਾ ਜ਼ਿਲ੍ਹੇ ਦੇ ਸਿਵਲ ਹਸਪਤਾਲ ਹਰੋਲੀ ਨੇ ਨੈਸ਼ਨਲ ਕੁਆਲਿਟੀ ਐਸ਼ੋਰੈਂਸ ਸਟੈਂਡਰਡ ਦੇ ਤਹਿਤ ਕੁਆਲਿਟੀ ਸਰਟੀਫਾਈਡ ਬਣਨ ਦੀ ਵੱਡੀ ਉਪਲਬਧੀ ਹਾਸਲ ਕੀਤੀ ਹੈ। ਹਰੋਲੀ ਦੀ ਇਹ ਸਿਹਤ ਸੰਸਥਾ ਇਹ ਉਪਲਬਧੀ ਹਾਸਲ ਕਰਨ ਵਾਲਾ ਸੂਬੇ ਦਾ ਦੂਜਾ ਸਿਵਲ ਹਸਪਤਾਲ ਹੈ। ਇਸ ਸਬੰਧੀ ਸੀ.ਐਮ.ਓ ਡਾ: ਸੰਜੀਵ ਵਰਮਾ ਨੇ ਦੱਸਿਆ ਕਿ ਭਾਰਤ ਸਰਕਾਰ ਵੱਲੋਂ ਗਠਿਤ ਟੀਮ ਨੇ ਪਿਛਲੇ ਸਾਲ ਨੈਸ਼ਨਲ ਕੁਆਲਿਟੀ ਐਸ਼ੋਰੈਂਸ ਸਟੈਂਡਰਡ (ਐਨ.ਕਿਊ.ਏ.ਐਸ.) ਤਹਿਤ ਸਿਵਲ ਹਸਪਤਾਲ ਹਰੋਲੀ ਦਾ ਨਿਰੀਖਣ ਕੀਤਾ ਸੀ | ਇਸ ਵਿੱਚ ਸਿਵਲ ਹਸਪਤਾਲ ਹਰੋਲੀ 95.44 ਫੀਸਦੀ ਅੰਕ ਪ੍ਰਾਪਤ ਕਰਕੇ ਕੌਮੀ ਪੱਧਰ ’ਤੇ ਪਹਿਲੇ ਸਥਾਨ ’ਤੇ ਰਿਹਾ।
ਉਨ੍ਹਾਂ ਦੱਸਿਆ ਕਿ ਨਿਰੀਖਣ ਦੌਰਾਨ ਸੰਸਥਾ ਦੇ 7 ਵਿਭਾਗਾਂ ਦਾ ਮੁਲਾਂਕਣ ਕੀਤਾ ਗਿਆ ਜਿਸ ਵਿੱਚ ਐਮਰਜੈਂਸੀ ਵਿਭਾਗ, ਓਪੀਡੀ, ਆਈਪੀਡੀ, ਲੇਬਰ ਰੂਮ, ਫਾਰਮੇਸੀ, ਲੈਬ ਅਤੇ ਆਮ ਪ੍ਰਸ਼ਾਸਨ ਸ਼ਾਮਲ ਹਨ। ਇਹ ਪ੍ਰਮਾਣੀਕਰਣ ਅਗਲੇ ਤਿੰਨ ਸਾਲਾਂ ਲਈ ਵੈਧ ਹੈ। ਉਨ੍ਹਾਂ ਕਿਹਾ ਕਿ ਸਿਵਲ ਹਸਪਤਾਲ ਹਰੋਲੀ ਨੇ ਪੂਰੇ ਸੂਬੇ ਵਿੱਚ ਸਫ਼ਲਤਾ ਦੀ ਮਿਸਾਲ ਕਾਇਮ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਇਸ ਦਾ ਸਿਹਰਾ ਆਰ.ਐਚ.ਉਨਾ ਦੇ ਸਮੂਹ ਅਧਿਕਾਰੀਆਂ ਅਤੇ ਸਿਵਲ ਹਸਪਤਾਲ ਹਰੋਲੀ ਦੀ ਟੀਮ ਨੂੰ ਜਾਂਦਾ ਹੈ।