ਆਬਕਾਰੀ ਵਿਭਾਗ ਨੇ ਨਿਰੀਖਣ ਦੌਰਾਨ ਨਾਜਾਇਜ਼ ਸ਼ਰਾਬ ਦੀਆਂ 300 ਬੋਤਲਾਂ ਜ਼ਬਤ ਕੀਤੀਆਂ ਆਬਕਾਰੀ ਨੀਤੀ ਸਾਲ 2024-25 ਲਈ ਨਿਰੀਖਣਾਂ ਦੀ ਇੱਕ ਨਿਰੰਤਰ ਲੜੀ ਵਿੱਚ, ਆਬਕਾਰੀ ਵਿਭਾਗ ਦੇ ਅਧਿਕਾਰੀਆਂ ਦੀ ਇੱਕ ਟੀਮ ਨੇ ਅੱਜ ਲਾਇਸੰਸਸ਼ੁਦਾ ਸ਼ਰਾਬ ਦੇ ਠੇਕਿਆਂ ਦੀ ਅਚਨਚੇਤ ਜਾਂਚ ਕੀਤੀ। ਨਿਰੀਖਣ ਦੌਰਾਨ, ਇਨਫੋਰਸਮੈਂਟ ਟੀਮ ਨੇ ਲਗਭਗ 7 ਲੱਖ ਰੁਪਏ ਦੀ ਕੀਮਤ ਦੀ ਭਾਰਤੀ ਵਿਦੇਸ਼ੀ ਸ਼ਰਾਬ (ਆਈਐਫਐਲ) ਦੀਆਂ ਕੁੱਲ 300 ਬੋਤਲਾਂ ਜ਼ਬਤ ਕੀਤੀਆਂ। ਇਹ ਬੋਤਲਾਂ ਲਾਜ਼ਮੀ ਹੋਲੋਗ੍ਰਾਮ ਜਾਂ ਪਾਸ ਪਰਮਿਟ ਤੋਂ ਬਿਨਾਂ ਮਿਲੀਆਂ ਸਨ। ਆਬਕਾਰੀ ਤੇ ਕਰ ਕਮਿਸ਼ਨਰ, ਸ਼੍ਰੀ ਰੁਪੇਸ਼ ਕੁਮਾਰ, ਆਈ.ਏ.ਐਸ. ਨੇ ਸਖ਼ਤ ਚੌਕਸੀ ਰੱਖਣ ਲਈ ਵਿਭਾਗ ਦੀ ਵਚਨਬੱਧਤਾ 'ਤੇ ਜ਼ੋਰ ਦਿੱਤਾ। ਉਨ੍ਹਾਂ ਕਿਹਾ, "ਕਿਸੇ ਵੀ ਉਲੰਘਣਾ ਪ੍ਰਤੀ ਕੋਈ ਢਿੱਲ ਨਹੀਂ ਵਰਤੀ ਜਾਵੇਗੀ। ਵਿਭਾਗ ਨਿਯਮਾਂ ਨੂੰ ਸਖ਼ਤੀ ਨਾਲ ਲਾਗੂ ਕਰਨ ਲਈ ਸਮਰਪਿਤ ਹੈ, ਅਤੇ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲਿਆਂ ਨੂੰ ਸਖ਼ਤ ਕਾਰਵਾਈ ਦਾ ਸਾਹਮਣਾ ਕਰਨਾ ਪਵੇਗਾ।"